Disa punonjës të institucioneve serbe që veprojnë në Kosovë kanë konfirmuar për Radion Evropa e Lirë se ata janë “të detyruar” të jenë pjesë e bllokimit të vendkalimeve kufitare Jarinje dhe Brnjak.
Ata deklarojnë se autoritetet lokale po u kërkojnë ta bëjnë këtë, por ata këmbëngulën që identiteti i tyre të mos zbulohet.
Gjithashtu, derisa protestat vazhdojnë në këto pika kufitare, shumica e restoranteve në katër komuna në veri të Kosovës po mbyllen. Siç u tha, qëllimi i kësaj mase është që sa më shumë njerëz të shkojnë në barrikada në Leposaviq, ku ndodhet vendkalimi Jarinje, ose në Zubin Potok, në territorin e të cilit ndodhet kalimi kufitar Bërnjak.
Megjithatë, as pronarët e restoranteve në veri të Kosovës nuk donin që të publikohet identitetin e tyre.
Kalimet Jarinje dhe Bërnjak, si dhe rrugët që çojnë në to, janë bllokuar për katër ditë nga serbët vendas, të cilët përbëjnë shumicën e popullsisë në veri të Kosovës, për shkak të vendimit të autoriteteve të Kosovës për të futur targa provë për targat serbe në Kosovë lëshuar nga Serbia.
Në të dy kalimet, Policia Speciale e Kosovës është e vendosur në mes barrikadave të bëra nga parkimi i kamionëve të rëndë. /tesheshi.com/
