378 pjesëtarë të mbetur të të ashtuquajturës “Civilna Zastita” kanë filluar ë hënë të nënshkruajnë kontratat e punës me institucione të ndryshme të Kosovës, kanë njoftuar burime të portali tesheshi.com.
Këto kontrata po nënshkruhen në Zyrën Administrative në veri të Mitrovicës, e konfirmuar kjo nga shefja e kësaj zyre Adriana Hoxhiq, për portalin tesheshi.com.
“Këtu janë edhe përfaqësuesit e Ministrive përkatëse dhe ne po ndihmojmë në logjistikë, nëse ka nevojë për ndonjë dokument shtesë dhe të ngjashme sa i përket këtyre personave”, ka thënë Hoxhiq duke shtuar se “mund të konfirmoj se marrëveshja për integrimin e pjesëtarëve të Civilna Zastitës po zbatohet”.
Sipas marrëveshjes se nënshkruar në Bruksel, pritet që 483 pjesëtarë të “Civilna Zastitës” të integrimit në institucione të Kosovës kryesisht në ato të sigurisë dhe doganave.
Burime të portalit tesheshi.com njoftojnë se ata do të inkuadrohen në punë në emergjencat e Kosovës, zjarrfikës, policë të burgjeve, ministri të ndryshe, si dhe në dogana.
“Por është zhvilluar një luftë e hapu mes vetë pjesëtarëve të “Civilna Zastitës” pasi që shumica prej tyre kanë dëshiruar që të inkuadrohen në dogana, për shkak të mundësive më të mëdha për të përfituar”, ka thënë një burim kofidencial. Sipas burimit, mbi 20 prej tyre, kryesisht komandantë, si dhe ndonjë anëtarë që ka pasuar lidhje të forta, janë inkuadruar të gjithë si doganierë të Kosovës. /tesheshi.com/
