Deputetët e Listës Serbe assesi të pajtohen me miratimin e ligjit për “Trepçën”. Ata sot në orën 10:00 kanë dorëzuar në Gjykatën Kushtetuese të Republikës së Kosovës kërkesën për shqyrtimin e ligjshmërisë së miratimit të Ligjit për “Trepçën” nga ana e legjislativit kosovar.
Pas dorëzimit të kërkesës në Kushtetuese, kryetar i “Srpska-s”, Slavko Simiq, deklaroi për media se me miratimin e këtij ligji janë shkelur të drejtat e serbeve qe jetojnë në Kosovë.
Presidenti Thaçi, sipas tij, nuk mund të nënshkruajë këtë ligj për sa kohë qe Kushtetuesja nuk nxjerr një vendim. Për çështjen e “Trepçës” sipas tij, kërkohet konsensus i gjerë.
Simiq poashtu bëri të ditur se deputetët e Listës Serbe janë duke e përgatitur edhe kërkesën tjetër për ta dërguar për shqyrtim në Gjykatën Kushtetuese, lidhur me ligjshmërinë e miratimit të ligjit për investimet strategjike, i cili po ashtu është miratuar nga Kuvendi i Kosovës.
Në anën tjetër hapi i Listës Serbe është vlerësuar si pozitiv nga ana e njohësve të çështjeve kushtetuese, për faktin se ankesa e tyre po bëhet në një institucion të drejtësisë në Kosovë. /tesheshi.com/
