Gjërat e legjendës së futbollit botëror Diego Armando Maradona janë ekspozuar në një restorant në Napoli, Itali.
Ekspozita e titulluar “Unë quhem Diego dhe vij nga Napoli” paraqet një koleksion veshjesh dhe fanellash të veshura nga Maradona gjatë karrierës së tij.
Maradona, i konsideruar si një nga futbollistët më të mëdhenj të të gjitha kohërave, vdiq nga dështimi i zemrës në moshën 60-vjeçare më 25 nëntor 2020.
Ai përfundoi karrierën e tij aktive në futboll në 1997. Ai luajti për skuadrat argjentinase Argentinos Juniors, Boca Juniors, Newell’s Old Boys, klubet spanjolle Barcelona e Sevilla, si dhe për Napolin italian. Me këtë të fundit ai pati dhe një aso shkëlqimi, duke e çuar në majat e famës, sa është ende e pashlyeshme kujtesa nostalgjike për të.
Me Argjentinën, Maradona fitoi Kupën e Botës në vitin 1986 në Meksikë. Ai shënoi 34 gola në 91 ndeshje për fanelën e kombit të tij. /tesheshi.com/
