Senatori amerikan John McCain do të qëndrojë nga sot për një vizitë zyrtare dyditëshe në Kosovë, me ç’rast do të zhvillojë takime me krerët institucionalë.
Takimin e parë do ta zhvillojë me kryeparlamentarin Kadri Veseli, kurse pas këtij takimi do të mbahet një seancë solemne parlamentare në orën 14:30, ku senatori amerikan do t’u drejtohet me një fjalë deputetëve.
Pas seancës, McCain do të takohet edhe me kryeministrin Mustafa.
Ndërsa takimin me presidentin Thaçi do ta zhvillojë nesër, me ç’rast do nderohet me medaljen “Urdhri i Lirisë” për kontributin e tij në lirinë dhe pavarësinë e Kosovës, si dhe për rolin në thellimin e marrëdhënieve me SHBA-në, si aleati i përjetshëm i Kosovës.
Senatori amerikan ditë më parë ka qëndruar në Mal të Zi, si dhe në Serbi e në Bosnjë-Hercegovinë. /tesheshi.com/
