Senatori demokrat, Chuck Schumer u radhit në krah të kundërshtarëve të marrëveshjes bërthamore me Iranin, duke thyer radhët e partisë me presidentin Obama.
Senatori hebre me ndikim mes demokratëve, argumentoi se ka një rrezik real që Irani të mund ta përdorë marrëveshjen për ato që i cilësoi qëllime të errëta sesa për të moderuar qëndrimin e vet.
Senatori Schumer është demokrati i parë që merr një pozicion të tillë kundër presidentit, i cili ka mbrojtur fort marrëveshjen me Iranin dhe ka kërkuar nga Kongresi ta miratojë e të heqë sanksionet.
Sidoqoftë, duket se senatori Schumer është një prej pak anëtarëve demokratë hebrenj të Kongresit që janë kundër marrëveshjes.
Obama e përshkroi mosmarrëveshjen me Izraelin në fjalimin më të fundit publik si një ndasi të përkohshme me një mik dhe aleat të dashur.
Marrëveshja me Iranin konsiderohet një trashëgimi e politikës së jashtme të administratës Obama në Shtëpinë e Bardhë dhe këshilltarët e presidentit janë duke punuar për të bindur ligjvënësit të mbështesin marrëveshjen.
Por, kundërshtarët nuk janë të paktë, duke marrë parasysh edhe republikanët, e këtyre iu është shtuar edhe Schumer që pas një studimit të vëmendshëm të marrëveshjes, tha se kishte vendosur të mos e votojë atë kur senati të mblidhet në shtator. /tesheshi.com/
