Dy senatorë amerikanë, njëri nga radhët e republikanëve dhe tjetri nga radhët e demokratëve, do ta vizitojnë sot Kosovën.
Republikani Ron Johnson dhe demokrati Chris Murphy do të takohen sot me presidentin Hashim Thaçi, por edhe me përfaqësues te shoqërisë civile.
Synimi i vizitës kuptohet të jetë bisedimi i hapave të radhës që do të marr Kosova për procesin e vazhdimit të dialogut.
Një vizitë të ngjashme dje bëri edhe deputeti gjerman i CDU-së së Merkelit, Peter Beyer i cili u takua me kryeministrin në detyrë Ramush Haradinaj dhe kryetarin e LDK-së, Isa Mustafa.
Ai madje u shpreh që ka mundësi që si “dhuratë Krishtlindjesh” të sigurohet qarkullimi i lirë pa viza. /tesheshi.com/
