Senati amerikan nën udhëheqjen e republikanëve në masë të madhe, ka miratuar një amendament jo-detyrues duke kritikuar vendimin e presidentit Trump për të tërhequr trupat amerikane nga Siria dhe Afganistani.
Shumica dërrmuese e senatorëve (70 pro dhe 26 kundër) mbështetën ndryshimin jo detyrues të bërë nga senatori republikan Mitch McConnell, i cili beson se grupet luftarake në të dy vendet përbëjnë ende një kërcënim serioz për Shtetet e Bashkuara.
“ISIS dhe Al Kaeda ende nuk janë mundur”, tha McConnell në kundërshtim me vendimin e Presidentit Trump.
Amendamenti i Senatit, i cili do të përfshihet në ligjin më të gjerë të sigurisë në Lindjen e Mesme, paralajmëron se një “tërheqje e papritur” e trupave amerikane nga Siria dhe Afganistani mund të rrezikojë progresin e vështirë dhe sigurinë kombëtare.
Donald Trump papritmas lëshoi një vendim në dhjetor për të tërhequr dy mijë trupa amerikane nga Siria, me pretendimin se anëtarët e ISIS-it u mundën.
Ai njoftoi gjithashtu tërheqjen e gjysmës së 14,000 trupave amerikane të vendosura në Afganistan.
Vendimi i papritur i Trump për t’u tërhequr nga Siria çoi në dorëheqjen e Sekretarit të Mbrojtjes Jim Mattis. /tesheshi.com/
