Këshilli i Mandateve e ka shtyrë sërish mbledhjen, ku do të vendoset për heqjen e mandateve të deputetëve Tom Doshit dhe Mark Frrokut, pas kërkesës së Prokurorisë për arrestimin e tyre.
Fillimisht pati debate mes palëve, pasi PD ka kërkuar që ajo të bëhet me dyer të hapura, kërkese që u hodh poshtë. Më pas ishte avokati i Tom Doshit që kërkoi shtyrjen e mbledhjes me pretendimin se Toma është sëmurë dhe e ka të pamundur paraqitjen. Për këtë u paraqit dhenjë raport mjekësor.
Ndërsa për deputetin tjetër, Mark Frroku, nuk është thënë së është i sëmurë, por ai nuk është paraqitur fare në komision. Pas këtij zhvillimi, mbledhja është shtyrë për një ditë tjetër. /tesheshi.com/
