Një baba që vuan nga kanceri ka kaluar muajt e fundit të jetës së tij në kërkim të një familje të dashur, që do të përkujdeset për birin e tij 4 vjeçar.
Nick Rose, 40 vjeçar vdiq javën e kaluar, pas një lufte nëntë mujore kundër një kanceri agresiv që u përhap nga kockat në mushkëritë e tij.
Por, pavarësisht faktit që ishte nën regjimin e kimioterapisë, prioritet i tij ishte gjetja e një familje, e cila do të përkujdeset për birin e tij Logan. I ati nuk e lëshoi frymën e fundit deri sa i arriti misionit që kishte dhe përmbushjes së dëshirës së tij për vogëlushin që do të linte pas e të vetëm në këtë botë.
4-vjeccari tani është duke filluar jetën e tij të re me një familje kujdestare në Torquay, Devon.
Një nga miqtë e ngushtë të Nick-ut, Aaron Crompton, 24 vjeçar, thotë: “Asgjë nuk ishte më prioritare për të sesa Logan. Ai ishte në agoni të dhimbjeve në fund të jetës së tij, por Logan ishte preokupimi i tij kryesor. ”
“Nëna e Logan ka kohë që nuk jeton me të”, thonë miqtë e Nick-ut. Nëntë muaj më parë, Nick zbuloi një gungë në kockat e qafës së tij. Tumori u përhap shpejt në mushkëritë e tij, kështu që kimioterapia duhej ndërprerë. Ai vdiq më 3 janar.
Motra e Aaronit, Amy, thotë: “Nick është përpjekur të qëndrojë i fortë për hir të birit të tij për aq kohë sa ishte e mundur. Ai me shumë guxim kishte organizuar gjetjen e një familje, e cila do të adaptonte të birin pasi Aaron të largohej nga kjo botë.”
Amy dhe Aaroni kanë hapur tani një faqe GoFundMe, për t’i dhënë Nick-ut përshëndetjen e fundit që ai meriton. Të hollat e mbetura do të shkojnë për uniformat e reja shkollore për Logan, kur ai të shkojë në shkollë.
“Shumë njerëz e njihnin atë dhe të gjithë kanë pasur vetëm fjalë të mira për të. Ai do t’u mungojë shumë njerëzve”, thotë Amy./tesheshi.com/
