Një sëmundje misterioze, e re në Indi vazhdoi të përhapet brenda natës dhe 546 pacientë u shtruan në spital.
Gjatë fundjavës, raportet e para të një epidemie që shkaktoi simptoma duke filluar nga marramendja deri në kriza të ngjashme me epilepsinë filluan të shfaqeshin në Andhra Pradesh, një shtet indian në brigjet juglindore të vendit.
Ka pasur qindra raste të reja që nga ajo kohë dhe, sipas Associated Press, zyrtarët shëndetësorë ende nuk kanë ide se çfarë po ndodh – edhe kur lista e simptomave rritet për të përfshirë humbjen e kujtesës, të vjella dhe dhimbje të muskujve.
Ekspertët kanë disa spekulime, por pasi përjashtojnë COVID-19, sëmundje të tjera virale dhe hipotezën e mëparshme kryesore në lidhje me ujin e ndotur, spekulimet mbeten.
Geeta Prasadini, drejtoresha e shëndetit publik në Eluru, qyteti ku filloi shpërthimi, sugjeron që pesticidet dhe ndotësit e tjerë të ushqimit mund të jenë fajtorë.
“Por askush nuk e di,” i tha Prasadini AP.
Hipoteza bazohet vetëm në faktin se perimet në zonë po trajtohen me disa pesticide potencialisht të rrezikshme, dhe se disa duket se kanë kanë përfunduar te furnizimi me ujë.
Disa ekspertë kanë përmendur plumbin dhe nikelin që gjenden në ujin e pijshëm si një shkak i mundshëm, sipas The Times Of India. Por siç raporton AP, disa pacientë nuk pinë nga ujësjellësi komunal, duke sugjeruar se mund të ketë një fajtor tjetër, të panjohur.
Për fat të mirë, shumica e pacientëve të shtruar në spital janë shëruar tashmë dhe janë dërguar në shtëpi, por një burrë humbi jetën, ku në rastin e tij as autopsia nuk e ndriçoi sekretin. /tesheshi.com/
