Nga Ahmet Zani
Në pamje të parë, këta fëmijë duken si gjithë të tjerët, tejet normalëm por në realitet nuk janë ashtu. Tre motra, të moshës 11, 9 dhe 6-vjeçe, vuajnë nga një sëmundje e rrallë që i pengon të ecin në këmbë, pasi ndjejnë lodhje në çast dhe rrëzohen. Personazhe të kësaj historie të dhimshme janë Diniela, Etna dhe Melisa Përleka, të cilat jetojnë në fshatin Ndërfushas të Mirditës. Në një situatë më të vështirë nga sëmundja, që mjekët thonë se quhet nejupati, është vajza e vogël e kësaj familjeje, e cila nuk mund të lëvizë fare pa ndihmën e prindërve.
“Tre vajzat e mia kanë probleme me ecjen. Ata nuk mund të lëvizin pa ndihmën e ndonjë personi tjetër, pasi lodhen dhe rrëzohen. Dy të mëdhatë të cilat janë në shkollë, detyrohemi që t’i çojmë çdo ditë, unë ose bashkëshorti, pasi nuk mund të shkojnë vetëm, edhe pse shkolla është afër”, thotë e ëma, Mirela Përleka.
Sëmundja iu është shafqur atyre që në moshën 2-vjeçare, e që nga ajo moshë vijon të jetë në të njëjtin stad. Prindërit e tyre kanë rendur nëpër spiale për t’i kuruar, por pa mundur që të gjejnë zgjidhje në Shqipëri.
Për herë të fundit ata kanë kryer analizat para një viti, në Tiranë, por pa mundur që të gjejnë një diagnozë e saktë të asaj çfarë ato kanë e se ç’kurim u duhet. Mjekët në Shqipëri iu kanë rekomanduar që për analiza të sakta, të cilët të mund të përcaktojnën qartë sëmundjen, e më pas kurrën ndaj saj, ato duhet të bëhen në spitale jashtë vendit, por kjo është e pamundur nga familja pasi nuk kanë mundësi financiare.
Analiza të tilla kushtojnë miliona euro, ndaj dhe prindërit e këtyre vogëlusheve apelojnë për ndihmë.
“Jemi sorollatur në të gjitha spitalet e vendit tonë dhe nuk na kanë dhënë asnjë zgjidhje. Na thonë se kanë një sëmundje që quhet nejupati, por nuk na thonë si mund të kurohet këtu në Shqipëri. Kurimi është i mundur vetëm jashtë shtetit, por ne nuk kemi mundësi financiare, pasi është një kosto shumë e madhe. Vetëm burrin kam në punë dhe lekët që merr nuk na dalin as për të mbajtur frymën gjallë. Vetëm një analizë kushton 3 mijë euro për njërën gocë, plus dhe shpenzimet e tjera. Unë i bëj apel çdokujt që ka mundësi të na ndihmojë, ta vënë dorën në zemër për këto tre fëmijë, pasi dhe këta duhet të jetojnë si gjithë të tjeret”, shton Mirela me nota përgjëruese.
“Kur ecim kemi shumë dhimbje të mëdha në gjunj. Nga kjo lodhemi shpejt dhe rrëzohemi.Ne nuk mund tek shkojmë tek shkolla vetëm. Detyrohen babi dhe mami që ta na çojnë me makinë. Ne kërkojmë që shteti të na ndihmojë duke na çuar në një spital jashtë për të na kuruar, pasi dhe ne duhet të jetojmë jetën si gjithë fëmijët e tjere” thotë Dinela Përleka, njëra prej vajzave të sëmura.
Familja prej 10 anëtarësh e Dritan Përlekës jeton në kushte shumë të vështira ekonomike, pasi e gjithë familja mbahet vetëm me rrogën që merr kryefamiljari. Rasti i këtyre vajzave të sëmura kërkon sensibilimin e të gjithë shoqërisë dhe të organeve shtetërore që t’ju vijnë në ndihmë për t’ju mundësuar kurimin jashtë vendit. /tesheshi.com/
