Oscar Tabarez, 71 vjeç, do të vijojë të jetë trajneri i kombëtares së Uruguait deri në Kupën e Botës 2022 në Katar. Trajneri legjendar i pankinës uruguajane nënshkroi një kontratë të re 4-vjeçare me Federatën e e Futbollit të vendit të tij.
Një “profesor” i njohur gjerësisht, përveç hyrjes në dekadën e tetë të jetës, ai po vuan nga një sindrom i rrallë – Guillain-Barre, një sëmundje e sistemit nervor. Megjithatë, pavarësisht kësaj, ai vendosi të vazhdojë të udhëheqë ekipin kombëtar të vendit të tij.
Tabarez e drejton Uruguajin për herë të dytë që nga viti 2006. Ai ishte më parë trajner nga viti 1988 deri më 1990-ën. Uruguajanët luajtën nën drejtimin e tij në katër Botërorë, ku suksesi më i madh u arrit në vitin 2010 në Afrikën e Jugut, me arritjen deri në gjysmëfinale. Një vit më vonë fituan titullin e kampionit të Amerikës së Jugut. /tesheshi.com/
