Në garën e tij me Bashën, Selami, ndryshe nga rivali që e adreson përgjegjësinë e humbjes tek qeveria, gishtin e akuzës e drejton pikërisht tek kryetari i vetëngrirë me të cilin rivalizon për të marrëdrejtimin e PD-së.
Duke shprehur kundërshtinë e tij për paktin me Ramën, por siç mund të nuhatet dhe për atë me LSI-në që bëri Berisha më 2009-ën, kohë kur në fakt ai ishte ende emigrant në Amerikë, Selami tha: ”…jemi rrethuar nga të kuq nga të gjitha anët. Nëse vendoset dhe njëherë që do të bëjmë një koalicion qeveritar sepse të gjithëve tashmë iu janë prerë këmbët dhe s’besoj se vemi bashkë në pushtet unë jam nga ata që jam kundra. Do dorëzoj mandatin, po do jem aty prap, në PD”.
Ai edhe më tej e tragjedizoi fatin e PD-së nën Lulzim Bashën:
“Është humbje besimit dhe shpresës që ne jemi forca progresive në Shqipëri dhe bëhet më e rëndë për mua si demokrat dhe për ju sepse po na mund e majta, trashëgimtarja e Partisë së Punës”. /tesheshi.com/
