Interpoli tha të martën se një operacion i konfiskimit të armëve të zjarrit në të gjithë Amerikën Qendrore dhe Jugore rezultoi në sekuestrimin e mijëra armëve dhe drogave të paligjshme me vlerë 5.7 miliardë dollarë, pas bashkëpunimit të 15 vendeve.
Organizata Ndërkombëtare e Policisë njoftoi se autoritetet arrestuan 14,260 persona në operacionin Trigger IX, i cili zgjati mes 12 marsit dhe 2 prillit.
Në operacion u gjetën 8.263 armë pa leje dhe gati 306.000 copë municione, si dhe 203 ton drogë dhe 372 ton mjete për prodhimin e lëndëve narkotike.
Operacioni më i madh i të gjitha kohërave
Argjentina, Bolivia, Kili, Kolumbia, Kosta Rika, Ekuador, El Salvador, Guatemala, Hondurasi, Meksika, Panamaja, Paraguai, Peruja dhe Uruguai morën pjesë në aksion.
Operacioni u zhvillua në një kohë kur Meksika, me mbështetjen e 16 shteteve amerikane dhe disa vendeve të Karaibeve, ngriti një padi kundër prodhuesve amerikanë të armëve, me synimin për t’i vënë ata përgjegjës për lehtësimin e kontrabandës së armëve përtej kufirit.
Më shumë se gjysma e “armëve kriminale” të sekuestruara dhe të gjetura në Amerikën Qendrore e kanë origjinën në SHBA, sipas të dhënave nga agjencia amerikane e kontrollit të armëve ATF.
Kjo shifër për Meksikën është 70 për qind dhe 80 për qind për vendet e tjera të Karaibeve. /tesheshi.com/
