Që sot, ish-deputeti Mark Frroku nuk e posedon më pasurinë e tij të bërë gjatë viteve, për të cilat ka dyshime se është ngritur mbi paligjshmëri.
Me kërkesë të Prokurorisë për Krime të Rënda, gjykata ka vendosur sekuestrimin e 7 apartamenteve, 2 garazheve, 2 dyqaneve dhe një sipërfaqe tokë arë, nën emrin e tij. Kjo në kuadër të hetimeve që ka nisur për të muaj më parë.
I pandehuri Frroku aktualisht është në gjykim për veprat penale të “Vrasjes me paramendim”, “Fshehjes së pasurisë…”, “Pastrimit të produkteve të veprës penale” dhe “Ndërtimit të paligjshëm”.
Po ashtu, Frroku rezulton se është i dënuar nga Gjykata e Amsterdamit me 3 vjet burgim në vitin 2002, si i përshirë në veprimtarinë e paligjshme të trafikimit të lëndëve narkotike, duke përdorur emrin Piro Sofrani.
Pasuria e sekuestruar:
Apartamente
- Apartament me sipërfaqe 56.84 m2 në Orikum
- Apartament me sipërfaqe 78.66 m2 në Orikum
- Apartament me sipërfaqe 69.6 m2 në Shëngjin, Lezhë
- Apartament me sipërfaqe 49.3 m2 në Shëngjin, Lezhë
- Apartament me sipërfaqe 55.2 m2 në Shëngjin, Lezhë
- Apartament me sipërfaqe 100 m2 në Kashar, Tiranë
- Apartament me sipërfaqe 100 m2 në Kashar, Tiranë
Dyqane
- Dyqan me sipërfaqe 133 m2 në Tiranë
- Dyqan me sipërfaqe 175 m2 në Tiranë
Garazhe (bodrume)
- Bodrum 11.6 m2 në Shëngjin, Lezhë
- Bodrum 11.6 m2 në Shëngjin, Lezhë
Tokë arë
- Tokë arë me sipërfaqe 6000 m2, në “Grykë Lumi”, Lezhë
