Marina Kolumbiane njoftoi se kapi nëndetësen më të madhe të drogës në historinë e këtij vendi, 30 metra e gjatë dhe tre metra e gjerë, dhe në të kishte tre tonë kokainë.
Nëndetësja u ndalua të martën ndërsa ishte në rrugën e saj për në Amerikën Qendrore.
Fotot e publikuara nga autoritetet tregojnë një anije të gjatë në ujë, si dhe qindra pako me lëndë narkotike dhe në mes tre persona të arrestuar.
Kjo është nëndetësja më e madhe e drogës e zbuluar që kur ato filluan të përdoren për këtë qëllim në 1993.
Në tre dekada, Marina sekuestroi 228 anije të këtij lloji, me mijëra kilogramë kokainë, të cilat niseshin për në Shtetet e Bashkuara të Amerikës, ose përtej Atlantikut për në Evropë. /tesheshi.com/
