Mbi 725 kg kanabis sativa u sekuestruan nga policia në një aksion të zhvilluar në Vlorë. Lënda narkotike mbahej në një banesë 4-katëshe në lagjen ”24 Maji”, në pronësi të shtetasit Artan Kalemi.
Policia arrestoi pronarin e banesës, 34 vjeç dhe shtetasin Xhemil Kalemi, 41 vjeç, të dy banues në Vlorë.
Njëkohësisht në bashkëpunim me Prokurorinë, Sektori për Hetimin e Krimit Ekonomik e Financiar, po vijojnë verifikimet dhe veprimet, me qëllim sekuestrimin e vilës dhe një ambienti biznesi, për të cilat dyshohet se janë përfituar nga aktiviteti kriminal në fushën e narkotikëve.
Lidhur me këtë ngjarje, policia njofton se materialet hetimore i kanë kaluar Prokurorisë pranë Gjykatës së Shkallës së Parë Vlorë, për veprën penale të “Prodhimit dhe shitjes së narkotikëve”. /tesheshi.com/
