Rreth 517 kg kanabis sativa dhe 1140 fishekë luftarakë u sekuestruan nga policia gjatë një aksioni në fshatin Zhapokikë në Memaliaj.
Burime zyrtare bëjnë të ditur se në rrugë operataive policia kishte siguruan informacion se shtetasi Neim Bishani dispononte lëndë narkotike në banesën e tij.
Si rezultat i operacionit, nga kontrolli i ushtruar, në afërsi të banesës u gjetën 60 thasë me lëndë narkotike kannabis sativa kërcej e gjethe, si dhe sasia e fishekëve luftarakë.
Pesha totale e lëndës narkotike rezultoi 517 kg, ndërsa ajo u sekuestrua në cilësinë e provës materiale.
Policia arrestoi 54-vjeçarin me akuzën e “prodhim dhe shitje e lëndëve narkotikëve” dhe “prodhim dhe mbajtje pa leje e armëve luftarake dhe municionit”.
Po ashtu, mësohet se ka nisur proçedim penal në gjendje të lirë për Q.R, (Kryeplak i fshatit Zhapokikë) 63 vjeç, për veprat penale “moskallëzim i krimit” dhe “shpërdorim detyre”. /tesheshi.com/
