Prokuroria e Vlorës ka vendosur të sekuestrojë rreth 500 mijë m2 tokë kullote në Ksamil, pasi dyshohet se është përfituar nëpërmjet dokumentave të falsifikuar të pronësisë. Nën hetim janë vënë trashëgimtarët e ish- pronarit Resul Piro, pasi mendohet se kanë manipuluar edhe një vendim gjykate të vitit 1996.
Të dhënat janë marrë në bazë të dosjes së aplikimit tek Agjencia e Kthimit dhe Kompensimit të Pronave. “Të palarat” dolën sheshit, pasi e regjistruan tokën në Hipotekë, pasardhësit e Piros në vitin 2008, të cilët nisën të shisnin një pjesë të tokës tek persona të tretë.
AKKP-ja në Tiranë kishte konstatuar parregullsi në dosjen e kthimit të kësaj pasurie dhe dorëzoi një kallëzim penal në Prokurorinë e Vlorës.
Nga veprimet hetimore të kryera, Prokuroria e Vlorës ka krijuar dyshime se, për përfitimin e kësaj prone, janë përdorur dokumenta të fallsifikuara.
Në bazë të këtij hetimi, organi i akuzës paraqiti kërkesën për sekuestron të këtij trualli, rreth 500 hektarë, kërkesë e cila u pranua menjëherë./tesheshi.com/
