Policia e Tiranës zhvilloi një operacion për bllokimin e automjeteve motorike të trafikuara në Republikën e Shqipërisë nga vendet e BE-së.
Si rezultat janë sekuestruar në cilësinë e provës materiale 12 automjete luksoze dhe 5 të tjera të dyshuara si të trafikuara dhe të falsifikuar numrin e shasisë.
Mjetet e bllokuara janë të markave të ndryshme, si Mercedes Benz, E Class, Mercedes Benz, S Class, Mercedes Benz, ML, Audi, A8, BMW, X5, BMW, X6, BMW, BMW X6, Range Rover Sport, Range Rover evoque, Toyota Avensis, Yamaha T-Max, Suzuki GSXR 750, Aprilia, Scarabeo, Aprilia Scarabeo.
Policia bën me dije se këto mjete, dyshohet të jenë trafikuar nga vendet e BE-së në Republikën e Shqipërisë.
Në vijim të veprimeve janë proceduar penalisht 17 persona, të cilët janë akuzuar për “trafikim të mjeteve motorike”. /tesheshi.com/
