Rreth 1537 kg drogë e kanabis sativa u sekuestrua sot nga policia italiane, raportojnë mediat vendase.
Lënda narkotike po transportohej me një kamion,I cili u ndalua nga policia në Brindisi. Sikundër raportohet droga ishte transportuar nga skaf nga Shqipëria deri në brigjet italiane.
Mësohet se droga pasi ka mbërritur në Itali, është shkarkuar në një zonë të mbrojtur, ndërsa më pas është ngarkuar në një kamion që drejtohej nga një italian.
Për të bërë roje, ishte caktuar një shqiptar. Policia italiane ka vënë në pranga si shqiptarin 32-vjeç me iniciale N.S, po ashtu edhe italianin me iniciale M.M.
Policia kishte vënë re kamion me mbishkrimin ‘Traslochi’ dhe i është vënë në ndjekje, ku më pas është bërë i mundur edhe ndalimi i tij. /tesheshi.com/
