Analistët thonë se ligji i lë qytetarët që kanë kundërshtuar regjimin e Asad në azil të përhershëm.
Më shumë se 10 milionë sirianë që janë larguar nga vendi i përfshirë nga lufta duhet të pretendojnë shtëpitë e tyre deri në fillim të majit, përndryshe rrezikojnë që ato t’u sekuestrohen nga shteti.
Ligji i ri për pronësinë njoftuar këtë muaj ka rritur druajtjen që qytetarët sirianë të cilët kanë kundërshtuar regjimin e Bashar Al-Assad do të përballen me azilin e përhershëm dhe se të tjerë njerëz që konsiderohen besnikë mund të kenë akses në pronat dhe komunitetet e tyre.
Ndërkohë që shumica e të zhvendosurve brenda vendit dhe refugjatëve jashtë shtetit nuk janë në gjendje ose nuk dëshirojnë të kthehen për të provuar zotërimin e pronës së tyre, analistët dhe azilantët thonë se ligji, njohur si neni 10, dhe koha e ngushtë e miratimit dhe zbatimit mund të shërbejë si instrument i ndryshimit demografik dhe manipulimit social.
Analistët heqin paralele me ligjet që vepruan në Liban pas luftës civile për të kapur tokën në qendër të Bejrutit, dhe ligjit të mungesës së pronësisë në Izrael në vitin 1950 që ligjëroi sekuestrimin e pronave të marra nga palestinezët e dëbuar prej tokave të tyre.
Ligji sirian fuqizon administratën lokale për të kryer ri-regjistrimin e pronësisë brenda hapësirave të saj, një lëvizje që kërkon që pronarët duhet të jenë të pranishëm në këtë proces.
Ekspertët ligjorë sirianë thonë se ligji fokusohet në zonat e dëmtuara nga lufta rreth Damaskut dhe nuk përfshin zonat e shkatërruara nga luftimet. Sidoqoftë, kritikët dhe pronarët në azil thonë se rregullat e reja kanë një dimension të qartë politik dhe mbarin pasoja që shtrihen shumë përtej rregjistrimit selektiv.
Për miliona njerëz të zhvendosur brenda vendit dhe për refugjatët, provimi i pronësisë do jetë një mision i pamundur.
Nga pikëpamja e regjimit, ligji shërben për disa qëllime: i jep instrument shtesë për të kontrolluar të kthyerit dhe një mënyrë për të zhveshur kundërshtarët nga asetet e tyre. Për refugjatët, që perceptohen nga regjimi si tradhtarë, ligji rrit rrezikun që ata të shndërrohen në azilantë të përhershëm.
Ndikimet e ligjit të propozuar u diskutuan dhe në një konferencë donatorësh të BE-OKB-së në Bruksel.
“Kjo do të jetë si gozhda mbi arkmortin e tyre”, tha një zyrtar europian, duke shtuar se ligji konsolidon fuqinë e Assad. “Nuk duhet të ngatërrohemi. Nga njëra anë, është normale të bësh diçka të tillë pas ndonjë katastrofe natyrore. Por jo tani, dhe jo kështu. Lufta është ende në vijim dhe duke u përhapur. Nuk është aspak e përfunduar”.
Përgatiti: Juli Prifti – /tesheshi.com/
