Ylli Didani, 44-vjeç, është shqiptari të cilit i janë sekuestruar pasuri me vlerë 1.200.000 dollarë, përfshirë këtu një njësi tregtare me vlerë të përafërt rreth 1 milion dollarë, një shoqëri sh.p.k, 1 llogari bankare me vlerë rreth 206.000 dollarë. Kjo, në SHBA, atje ku jeton ky shqiptar.
Ai është akuzuar nga zyrtarët federal amerikanë si koka kryesore e një organizate ndërkombëtare të trafikut të kokainës prej 100 milion dollarësh që planifikonte të përdorte një nëndetëse për të transportuar drogë përtej Atlantikut.
Didani, për të cilin thuhet që shpërndau kokainë në 15 vende, u arrestua në Charlotte, Karolina e Veriut në fund të muajit të kaluar.
Akuzat për Didanin u lidh në fillim të këtij muaji me Marty Tibbitts, CEO i Shërbimit të Përgjigjeve të Drejtpërdrejta me bazë në Detroit. Tibbitts ndërroi jetë në një aksident ajror në korrik 2018 kur aeroplani luftarak, me të cilin po fluturonte ra në një stallë lopësh, duke vrarë edhe 50 lopë.
CEO Tibbitts dyshohet se po punonte me Didanin për ndërtimin e nëndetëses që kishte për qëllim transportimin e drogës. Tibbitts besohet se ka kontrolluar rrjetin e dyshuar të trafikut të drogës të Didanit. /tesheshi.com/
