Sipas parashikimeve të Ampere Analysis, një kompani e analizave të tregut, sektori global i argëtimit do të humbasë 160 miliardë dollarë (146 miliardë euro) në rritje gjatë pesë viteve të ardhshme, si rezultat i krizës së shkaktuar nga virusi koronar dhe pandemia e COVID-19.
Edhe pse ndikimi më i madh do të ndihet gjatë këtij dhe vitit të ardhshëm, rritja do të ulet çdo vit gjatë periudhës së parashikimit pesëvjeçar, sipas analizës së publikuar në faqen e internetit të kompanisë.
Teatrot, më të goditurat
Edhe pse pjesa dërrmuese e sektorit të industrisë së argëtimit do të ndiejë efektet negative të pandemisë, Amper Analysis ka identifikuar humbësit më të mëdhenj.
“Reklamimi është goditur më së shumti – si në planin afatshkurtër ashtu edhe në përgjithësi – por një analizë e sektorit të argëtimit tregon se fusha të tilla si teatri janë proporcionalisht më të goditura”, tha kompania.
Ndërlidhja e zonave në industrinë e argëtimit do të thotë që efektet në zona të tjera nuk do të ndjehen plotësisht gjatë viteve të ardhshme. /tesheshi.com/
