Një media pranë opozitës ka trullosur opinionin publik me një lajm mbi një takim të Edi Ramës me një grup të gjerë politikanësh botërorë në hollandë, që janë këshilltarët e mandatit të tij të dytë.
Lajmi që fliste për teori konspirative e për intriga pallati i referohej shkrimit të Alaistar Cambell-it, strategjistit fitues të Edi Ramës dhe njeriu më i afërt i Tony Blair.
Por i ishte referuar gabim, sa ka detyruar edhe Endri Fugën, drejtorin e komunikimit të Ramës që ta përgënjeshtrojë.
Por në fakt e vërteta është që Edi Rama ka zhvilluar një takim shumë të madh me njerëz shumë të fuqishëm botërorë për ta këshilluar dhe për të hedhur strategjitë e mandatit të dytë.
Natyrisht në këtë takim ka qenë edhe Alaistar Cambell, i cili për ditë me radhë postonte fotot nga Shqipëria, duke bërë PR imazhi.
Por natyrisht jo në Holandë, por në një nga pikat dominuese të Tiranës, pikërisht në Malin e Dajtit.
Nuk ka informacion zyrtar mbi këtë takim që natyrisht ka qenë gjysëm privat dhe jashtë një protokolli zyrtar, por siç mësohet kanë marrë pjesë disa personalitete të rëndësishme botërore, duke nisur nga Tony Blair dhe një dyzinë ish-kryeministrash dhe ish-ministrash të njohur.
Massimo D’Alema, ish-kryeministri italian që drejton një fondacion të rëndësishëm idesh dhe komunikimi, i cili bashkëpunon prej kohësh në shkëmbim idesh me qeverinë shqiptare, mësohet se ka qenë pjesëmarrës në takim.
Nuk ka munguar natyrisht edhe miku i ngushtë i Edi Ramës, Zoran Milanoviç, ish-kryeministri kroat dhe ish-lideri i socialdemorkatëve, si dhe Branko Grçiç, ish-zv.kryeministri i Kroacisë dhe arkitekti i reformave që e çuan vendin Ballkanik si anëtar i Bashkimit Europian.
Takimi siç mësohet nuk ka qenë një seminar intensiv, por si një darkë gostie ku kreu i qeverisë shqiptare ka ftuar një rreth të gjerë miqësie që të ndihmojnë me ide dhe kontribute imazhi për mandatin e dytë të tij që fitoi më 25 qershor.
Siç mësohet kanë qenë prezent akademikë të njohur nga Harvardi, London School of Economics, por edhe nga disa katedrash ekonomike shqiptare.
Një pjesë e rëndësishme e takimit ka qenë edhe përfaqësues të rëndësishëm të biznesit gjerman, por edhe figura të njohura nga SHBA, Franca, Britania e Madhe, Italia e vende të ish-lindjes komuniste.
Me një fjalë, njerëz shumë të rëndësishëm që jo vetëm në vendin e tyre por në të gjtihë rrafshin global bëjnë që të peshojë fjala dhe pena e tyre.
Gjithçka nga ky takim ka mbetur jashtë vëmendjes së publikut. Dekonspirimin e vetëm e ka bërë Alastair Cambell, i cili në faqen e tij të twitterit ka postuar foto nga kurora e bukur e malësisë së Tiranës.
Dhe këtë natyrisht nuk e ka bërë pa qëllim, ai që është një nga njerëzit më të talentuar në botë për imazhin dhe strategjinë elektorale.
Cambell, i cili hyri si i ndrojtur për të këshilluar një politikan të një vendi të vogël si Shqipëria në vitn 2013. Tashmë e knsideron kryeministrin shqiptar, si një nga punët më të suksesshme të tij, pasi j vetëm ka arritur të fitojë dy mandate, por Rama është edhe një politikan mjaft i spikatur në rajon dhe në opinionin publik europian.
Natyrisht duhet marrë parasysh edhe pesha e Shqipërisë në proporcion. Në librin e tij “Winers” Cambell ka një kapitull të veçantë për Edi Ramën ku e konsideron një “vrasës politik” për kudnërshtarët, duke analizuar fuqinë elektoralee që Rama ka pasur që nga viti 2000 kur u zgjodh kryetar i bashkisë së Tiranës e deri në zgjedhjet e fundit… /tesheshi.com/
