Sekretari i shtetit, John Kerry dhe aktorja Angeline Jolie, njëherësh ambasadore e vullnetit të mirë për refugjatë pranë Kombeve të Bashkuara (UNHCR), kanë marrë pjesë në një iftar në Ëashington, të shtruar nga organizata muslimane ADAMS, që konçidoi dhe me Ditën Botërore të Refugjatëve.
“Emigrantët të cilët kanë ardhur në SHBA, në asnjë mënyrë nuk paraqesin kurrfarë kërcënimi për sigurinë kombëtare”, tha kreu i diplomacisë amerikanëe.
Pasi ka përshëndeti të pranishmit me “Selam Alejkum”, përshëndetja tipike e muslimanëve, Kerry, duke komentuar në lidhje me numrin gjithnjë më të madh të refugjatëve në botë, ka thënë se “po të mblidheshin të gjithë refugjatët në një vend të vetëm, ky do të ishte vendi i 22-të në botë për nga numri i banorëve në botë”.
Në anën tjetër, Angeline Jolie tha se 65 milion njerëz janë zhvendosur gjatë konflikteve në gjithë botën. “Të mendojmë për një moment se çfarë ndikimi ka kriza aktuale e refugjatëve në paqen dhe sigurinë në botë”, tha Jolie.
“T’ia kthejmë shpinën krizës do të ishte naive dhe e papërgjegjshme”, ka shtuar ajo, duke iu bërë thirrje liderëve botërorë që të gjejnë një qasje të re, që siç tha aktorja e njohur, “nuk do të ketë për fokus ndihmën dhe risistemimin e refugjatëve, por gjetjen e zgjidhjes, stabilititetit dhe kthimin e tyre nëpër shtëpi.
“Pjesërisht si përgjigje ndaj krizës, çfarë po shohim sot është një rritje e jotolerancës dhe ksenofobisë. Por forca qëndron pikërisht në zotërimin dhe kanalizimin e emocioneve, në mënyrë që të ndjekim politika që zvogëlojnë kërcënimet për sigurinë tonë. Ne na duhet një lidership. Ne na duhen zgjidhje për problemet tona. Kjo është kërkesa dhe fokusi im për sot”, tha Angeline Jolie. /tesheshi.com/
