Philip Hammond, sekretari i Jashtëm britanik, i gjendur në Gjeorgji, i është përgjigjur një pyetjeje në konferencën e shtypit nëse Rusia përbën ende një kërcënim për vendet në rajon, përkatësisht për Gjeorgjinë.
“Rusia i shpërfill normat e sjelljes ndërkombëtare dhe i thyen rregullat e sistemit ndërkombëtar. Kjo përbën një sfidë dhe kërcënim për të gjithë ne,” është përgjigjur Hammond.
Sekretari i Jashtëm britanik ka qenë për një vizitë në Tbilisi për të takuar kryeministrin e vendit, Giorgi Kvirikashvili. Ai ka ofruar mbështetjen e Britanisë për Gjeorgjinë, një vend me të cilin Rusia pati një përplasje në vitin 2008.
Hammond tha veç të tjerash në konferencën e shtypit se është koha që Rusia të luajë një rol konstruktiv në skenën botërore dhe të respektojë normat ndërkombëtare. /tesheshi.com/
