Ash Carter ka mbërritur në kryeqytetin e Irakut në një vizitë të paparalajmëruar, vetëm një ditë pas vizitës në Turqi, ku është takuar me krerët më të lartë të shtetit.
Në qendër të bisedimeve do të jetë Mosuli dhe beteja për marrjen e tij.
“Kemi për t’u takuar me kryeministrin dhe do të marrin vlerësimet se ku jemi me operacionet e Mosulit,” u tha gazetarëve një zyrtar i lartë amerikan i mbrojtjes.
“Eshtë fillimi i fushatës. Kemi ndjesi pozitive për mënyrën si kanë nisur gjërat, veçanërisht me natyrën e komplikuar të këtij operacioni,” ka thënë i njëjti autoritet.
Ofensiva që nisi të hënën për çlirimin e Mosulit mund të kërkojë javë e muaj. Mosuli është fortesa e fundit e madhe e ISIS-it në Irak.
Gjatë vizitës në Ankara, sekretari amerikan i Mbrojtjes la të kuptohej se e mbështeste një angazhim të mundshëm të forcave turke në operacionin për çlirimin e Mosulit. Ash Carter tha gjithashtu se mes Irakut dhe Turqisë ishte arritur një marrëveshje në parim. /tesheshi.com/
