Një ditë pas grabitjes spektakolare të 2 milion eurove në mes të ditës, Banka e Shqipërisë dhe Ministria e Rendit kanë rënë dakord për hartimin e një plani masash për shmangien e rasteve të tjera të ngjashme.
“Po përgatisim një plan masash të detajuar për të përforcuar të gjithë elementët e sigurisë, në mënyrë që në të ardhmen të mos kemi më ngjarje të tilla. Drejtorët e bankave janë të gatshëm për t’i marrë masat dhe në ditët e ardhshme ne do ta përfundojmë këtë plan, në fokus të të cilit do të jetë transporti i vlerës monetare”, tha Guvernatori Gent Sejko.
Edhe Tahiri pothuajse that ë njëjtën gjë: “Jemi dakordësuar për disa masa që do ta bëjnë shumë më të sigurt biznesin, aktivitetin financiar të bankave dhe veçanërisht transportin e vlerave nga bankat”, cili më pas shtoi: “Shumë shpejt unë do të firmos një urdhër që do të adresojë shumë mirë problemin e transportit të vlerave monetare. Do ngremë edhe një grup teknik që do të trajtojë të gjitha problemet e mbledhura deri më sot dhe që do të dalë në përfundime konkrete”. /tesheshi.com/
