Sebastian Kurz, 31 vjeç, duket se do të jetë kancelari i ardhshëm i Austrisë, pasi Partia e tij Popullore fitoi zgjedhjet e sotme parlamentare, ndërkohë që Partia e Lirisë e ekstremit të djathtë mund të jetë çelësi për weverinë e tij.
Partia e Kurz fitoi 30.2 % të votave në zgjedhjet e mbajtura sot, duke shënuar një fitore të madhe për 31-vjeçarin, sipas numrit të fundit të votave.
Ndërsa Partia austriake e Lirisë arriti vendin e dytë me 26.8 %, e Partia Social Demokrate arriti të marrë 26.3 për qind.
Fushata parazgjedhore parlamentare u përqëndrua në migracion, sidomos krizës së emigrantëve të vitit 2015 që polarizoi politikën evropiane.
Kurz premtoi parandalim valës së emigracionit dhe shkurttim të aksesit ndaj përfitimeve të mirëqenies sociale për të sapoardhurit për të paktën pesë vjet. Kjo ishte arsyeja edhe pse ai mori kaq shumë vota.
Kush është Sebastian Kurz
Ai është vetëm 31 vjeç dhe mund të drejtojë Austrinë në 4 vitet e ardhshme.
Sebastian Kurz u bë një emër i njohur për politikën kombëtare e ndërkombëtare në vitin 2013, kur vetëm 27 vjeç u bë ministri i jashtëm i Austrisë
Ai tërhoqi vëmendjen e mbarë botës pas fotografive me homologët e tij, duke përfshirë Sekretarin amerikan të Shtetit John Kerry dhe ministrin iranian Javad Zarif.
Megjithëse e vogël me një popullsi sa ajo e Londrës, Austria është përpara vendeve si Britania e Madhe, Gjermania dhe Kanadaja, sipas Bankës Botërore.
Vjena ka kryesuar anketën e cilësisë së jetesës që nga viti 2010.
Kurz ka mbrojtur rolin e tij në bisedimet e rëndësishme të marrëveshjes me Iranit, një raund i të cilave u mbajtën në Vjenë.
Ai mori pushtetin e Partisë së tij (ÖVP) dhe vendosi për zgjedhje të menjëhershme në tetor (të cilat u miratuan më pas nga parlamenti).
Kurz gjithashtu ka shkaktuar debate me disa nga pozicionet e tij politike, të tilla si thirrjet për të forcuar kufijtë e jashtëm të BE-së dhe për t’i dhënë fund shpëtimit të refugjatëve në Mesdhe nga OJQ-të, duke nxitur gazetat gjermane ta akuzonin politikanin se është “zemërgur” dhe “i pandjeshëm”.
Së fundi ai ka provokuar debate dhe lidhur me shaminë muslimane duke u shfaqur kundër saj, në formën e denoncimit të diktimit të mbajtjes kundrejt pagesës, siç ka pretenduar, në Bosnje e Kosovë. (Shqipërinë nuk e ka përmendur). Si pasojë, javë më parë, një grua boshnjake iu kundërpërgjigj me një mesazh ironik duke i thënë se “sapo e morri pagesën”. /tesheshi.com/
