Seanca e kësaj të enjte në Kuvend ka qenë një seancë tepër e tensionuar, e cila është mbyllur vetëm me votimet e dekreteve të Presidentit për ndryshimet në qeveri. Në sallën e Kuvendit ka pasur tensione me opozitën, e cila ka kërkuar miratimin sa më të shpejtë të akteve nënligjore për zbatimin e ligjit të dekriminalizimit.
Pas një pushimi 5 minutësh, nënkryetarja e Kuvendit, Valentina Leska, ka kaluar për votim dekretet e presidentit, ku Shkëlqim Cani u shkarkua nga detyra me 74 vota pro, asnjë kundër e asnjë abstenim. Ndërsa dy ministrat e rinj morën secili nga 77 vota pro.
Kur Parlamenti ishte në sekondat e fundit, një vezë u hodh në drejtim të kryeministrit, por ra pas karriges së ministres Felaj. Pak sekonda më vonë, kryeministri Rama doli nga Parlamenti i mbrojtur me çadër.
Para gjithë kësaj ngjarjeje, deputetët e opozitës hodhën letra të vogla mbi tavolinën e kryeministrit dhe ai ka shkëmbyer disa fjalë me deputetë poshtë, ku duket se u thote së “si nuk ju vjen zor’.
Deputetët e opozitës po protestonin se mazhoranca nuk futi në rendin e ditës kërkesat e tyre për ndryshime ligjore që mundësojnë pezullimin e ushtrimit të funksionit të deputetit për Armando Prengën. /tesheshi.com/
