Nis seanca e Kuvendit për emërimin e Kryeprokurorit të përkohshëm me përleshje fizike. Lulzim Basha merr fjalën dhe kërkon heqjen nga rendi i ditës të zgjedhjes së tij me argumentin e antikushtetueshmërisë.
“Kushtetuta nuk e lejon zgjedhjen e Prokurorit të Përgjithshëm nga një mazhorancë. Tërhiquni ose do të përballeni me popullin”, tha Basha.
Pas Bashës, fjalën e ka marrë Taulant Balla i cili ka folur për një inciativë bamirësie të deputetëve për të blerë një pajisje për diagnostikimin e leucemisë.
Por pas kësaj fjale, Sali Berisha ka shkuar te podiumi dhe është ndaluar nga punonjësit e Gardës deri në përleshje fizike me ta, gjë që ka tensionuar situatën dhe Gramoz Ruçi ka ndërprerë menjëherë seancën. /tesheshi.com/
