Aktori i njohur nga Vushtrria, Adem Mikullovci, do të ketë rastin që në mandatin e tij të parë si deputet i Kuvendit të Kosovës, ta drejtojë të paktën një seancë të saj. Kjo, pasi Mikullovci është deputeti më i moshuar i legjislaturës së re dhe i takon që ta kryesojë seancën e konstituimit të legjislaturës së re.
Deputeti 78-vjeçar i VV-së, sipas rezultateve përfundimtare të publikuara nga KQZ-ja ka marrë 12 mijë e 641 vota, duke hyrë në mesin e më të votuarve në parti edhe pse iu bashkua VV-së më pak se një muaj para zgjedhjeve të 11 qershorit.
Mikullovci është i lindur në vitin 1939 në Vushtrri, ka qenë në mesin e deputetëve të cilët në vitin 1990 kishin shpallur Deklaratën Kushtetuese të 2 korrikut.
Në legjislaturën e fundit që u shpërbë në maj të këtij viti, deputetja më e vjetër ishte Flora Brovina e PDK-së, e cila ka fituar sërish ulëse në Kuvend pasi ka marrë 7544 vota. /tesheshi.com/
