Së shpejti nga Facebook-u mund të fitoni para përmes postimeve

Raportohet se Facebook-u po e merr në konsideratë futjen e një lloj pagese “tip jar”, e cila do t’u mundësonte përdoruesve të jepnin para për një postim të mirë, e jo thjeshtë një “like”.

Kjo risi u publikua në fillim nga The Verge, që pa se Facebok-u po bënte një sondazh ku i pyeste përdoruesit se cila ishte mënyra më e mirë për të fituar para nga postimet e tyre.

Një nga opsionet ishte tip jar, i cili me shumë gjasa do të funksionojë si butoni like, duke ua mundësuar përdoruesve të japin disa qindarka publikuesve të postimeve që ata pëlqejnë thjeshtë me një klik.

Rrjeti Social është kritikuar më herët për mos ndarjen e fitimeve nga reklamat me përdoruesit. Por kjo mund të jetë një mënyrë eksperimentale për t’u dhënë diçka mbrapsht atyre.

YouTube e ka prej kohësh një skemë të tillë, e cila i ka shndërruar në milionerë disa nga përdoruesit e tij me popullorë duke i ndarë të ardhurat me ta. /tesheshi.com/