Kryeminsitri Rama shpalli prerjen në mes të hotelit legjendar të papërfunduar te sheshi i Flamurit në Vlorë, e njohur si ngrehina e biznesmenit Sulo Shehu.
E nisur që në mes të viteve ’90, ajo vijoi prej vitesh që të jetë vetëm strukturë, siç është dhe sot, pa u përfunduar kurrë, për arsye ende të panjohura për publikun.
Së fundi, i pari i qeverisë vendos që ajo të mbetet vetëm tre kate, me tjetër funksion, e të tjerat të shemben.
“Do të pritet kulla asnjëherëepërfunduar në mes të sheshit dhe baza e saj prej tre katesh të larta do të transformohet në një qendër komunitare për të gjitha moshat”, tha Rama.
Ky rast shembjeje, do të pasojë atë të një tjetër pallati në Vlorë, por që banohej, i njohur si i vjehrit të Lulzim Bashës. Ai nuk ishte shumëkatësh, por i ndërtuar në breg të detit, u rrafshua tërësisht.
Ndërsa në rastin e hotelit të Sulo Shehut, do veprohet siç nuk mundi të bëjë Nano me një 15 katësh në zemër të Sarandës.
Edhe ish-kryesocialisti, pak para se të humbte zgjedhjet në 2005, premtoi që me makineri special të sjella nga Korfuzi, të këpuste të mes atë që konsiderohet si gërdallë në zemër të qytetit jugor bregdetar. /tesheshi.com/
