Një lajm i botuar nga disa televizione sot ka çuditur qarqet politike.
Anastas Angjeli, deputeti i Partisë Socialiste të Qarkut të Gjirokastrës, është shfaqur në disa fshatra të rrethit të Peqinit ku ka marrë përsipër investimin.
Pas publikimit të këtij lajmi, pyetëm drejtues të PS-së që merren me organizimin e fushatës së ardhshme dhe ata që konfirmuan për tesheshi.com se Anastas Angjeli dhe Aqif Rakipi do të jenë dy emrat kryesorë të mazhorancës në rrethin e Peqinit me synimin që të dy të dalin deputetë.
Deputeti me origjinë nga Çamëria, Aqif Rakipi pritet të dalë në qytetin Peqinit dhe minoritari grek Anastas Angjeli do të kandidojë në fshatrat e kësaj zone.
Në legjislaturën aktuale, deputet në Peqin është Alfred Peza, por gazetari i njohur u lëviz drejt Tiranës nga Edi Rama si pasojë e përplasjes me Rakipin e PDIU-së, i cili në 2013 ishte në koalicion me PD-në dhe pati përplasje fizike me stafin e Pezës. /tesheshi.com/
