Një lajm bombastik ka botuar e përditshmja e Beogradit “Veçernie Novosti”, e cila sillet si ekstrakat nga televizioni B92.
Duke ju referuar një agjenti të shërbimit sekret anglez, e përditshmja serbe thekson se MI6-ta britanike ka pasur një plan të mirëhartuar, të miratuar dhe protokolluar për të vrarë Sllobodan Millosheviçin, të cilin më pas e përdori pikë për pikë për të asgjesuar Lady Dianën, gruan e Princit Charles, e cila siç u mor vesh më vonë ishte e dashuruar me një mjek mysliman nga Pakistani dhe, për ta xhelozuar të dashurin që ishin ndarë përkohësisht u largua me Dodi Al Fahjed, të birin e një prej miliarderëve më të medhenj arabë që veprojnë në Britaninë e Madhe.
Ish-agjenti i MI6 Richard Tomlinson, përpiloi një raport special për këtë çështje dhe ja paraqiti Gjykatës së Lartë të Mbretërisë së Bashkuar.
Por kjo u bë publike vetëm pasi oficeri në pension i spiunazhit britanik, John Hopkins, 80 vjeç, pranoi publikisht se kishte marrë pjesë në planin për të zhdukur princeshën e Uellsit.
Sipas dokumentit të Tomlinson-it, Milosheviç ishte planifikuar që të vritet në vitin 1993 në një mënyrë që të duket si incident rrugor.
Një tunel në Zvicër, afët Gjenevës, ku Millosheviç do të shkonte për të marrë pjesë në një konferencë ndërkombëtare, u zgjodh si vendi i duhur për “aksidentin”.
Plani konsistonte në qërrimin e shoferit të Millosheviçit me drita të forta ose me lazer, në mënyrë që të shkaktonte devijimin e mjetit, e më pas përplasjen.
Sipas analizës së specialistëve britanikë, ky skenar çonte në vdekjen e sigurtë të atij që aksidentohej.
Dëshmitarë në tunelin ku vdiq Diana theksojnë se kanë parë drita të forta që i janë drejtuar shoferit të makinës ku udhëtonte princesha.
Agjenti sekret britanik thekson në dokumentin e tij se plani për eleminimin e Sllobodan Millosheviçit u anulua, por më vonë u përdor për Princeshën Diana. /tesheshi.com/
