Të premten do të bëhen 10 vjet nga aksidenti i rëndë i përjetuar nga Michael Schumacher, shtatë herë kampioni i botës në Formula 1.
Gjermani i famshëm u rrëzua teksa bënte ski në Alpet franceze dhe pësoi lëndime të rënda në kokë kur u përplas me një shkëmb, i cili i theu helmetën mbrojtëse.
Rehabilitimi i tij vazhdon prej vitesh, por pak dihet për shëndetin e tij. Së fundi ka folur vëllai i tij Ralph, duke thënë.
“Më mungon Michael. Jeta ndonjëherë nuk është e drejtë. Michael ishte shumë me fat dhe më pas ndodhi ky aksident i tmerrshëm,” tha Ralph.
Më i riu Schumacher konfirmoi se gjendja e Michael nuk është shumë e mirë.
“Mjekësia ka përparuar shumë, por asgjë nuk është njësoj si ishte. Ajo që ndodhi me Michael ndikoi shumë tek unë.” /tesheshi.com/
