Në Moskë, ish-kancelari i Gjermanisë dhe lobisti për interesat ruse të energjisë, Gerhard Schroder, po shijon pushimet e tij, duke injoruar në mënyrë të dukshme pakënaqësinë e bashkëqytetarëve të tij për lidhjet e tij të forta me Kremlinin.
“Këtu jam me pushime për disa ditë. Moska është një qytet i bukur”, tha miku i Putinit për një korrespondent të rrjetit gjerman NTV, duke komentuar qëndrimin e tij në kryeqytetin rus.
Socialdemokratët ende po bëjnë thirrje për përjashtimin e tij nga partia, megjithatë, Schröder ka mbajtur kontakte me presidentin rus Vladimir Putin, të cilin ai e përshkruan si një mik personal. Mësohet se 78-vjeçari Shrëder nuk e ka dënuar pushtimin ushtarak rus që filloi më 24 shkurt.
Pas presionit të fortë nga qeveria në Berlin, ish-kancelari federal dha dorëheqjen në maj nga pozicioni i tij në bordin e Rosneft dhe hodhi poshtë mundësinë për të marrë një vend në bordin e Gazprom.
Schroeder mbajti poste në kompanitë ruse të energjisë pas largimit si Kancelar, gjë që zemëroi gjermanët veçanërisht kur shpërtheu lufta në Ukrainë.
Kujtohet se Bundestag-u vendosi të mbyllë zyrën e Gerhard Schroder-it pasi ai ka ende kontakte me Rusinë. Megjithatë, ish-Kancelari ka ende të drejtën e pensionit dhe mbrojtjes personale. /tesheshi.com/
