Shkrimitari më i kuotuar italian i momentit, Roberto Saviano, në një post-replikë kundër liderit të partisë ekstremiste Lega Nord, ka treguar me fakte dhe argumente se beteja që po ndërmerret në Itali kundër emigrantëve nuk ka asnjë bazë reale.
Kreu i Lega Nord ka deklaruar se një emigrant afrikan ka përdhunuar një punonjëse të strukturave prittëse dhe bën thirrje për tredhje kimike të tyre dhe më pas deportim.
Ka reaguar menjëherë në faqen e tij Saviano.
Komenti i Plotë:
“Sipas ISTAT (të dhënat e vitit 2015) janë 652 mijë gratë që kanë pësuar përdhunime dhe 746 mijë viktimat e tentativave për përdhunim. Ç’të bëjmë Matteo Salvini, të tredhim një total prej 1 milion e 398 mijë përdhunues? Dhe janë italianët në mesin e tyre. Ku t’i çojmë ata?
Cila është kura në këtë rast? Burgu për ty, Matteo Salvini, është i mjaftueshëm? Dhe procesët tí bëjmë apo tí tredhim menjëherë?
Duhet të kthehemi tek ligji i prerjes, Matteo Salvini? Është kjo fushata elektorale që do të ndjekësh, ajo e urrejtjes raciale që po udhëheq së bashku me partinë tënde?
E di, Matteo Salvini që gratë që dhunohen më shumë në Itali janë të huaja? E di që pjesa më e madhe e dhunuesve janë italianë?
Po si ia bën të mbjellësh urrejtje në një moment historik kaq të vështirë? Sot më shumë se kurrë duhet ruajtur qetësia dhe ndalja e urrejtjes raciale është një detyrim.
Ti je një përgjegjës dhe unë të përçmoj!
/tesheshi.com/
