Pasi mediat saudite raportuan se Cristiano Ronaldo kishte nënshkruar kontratë me Al-Nassr saudit, pritej konfirmimi i lojtarit apo klubit.
Ka ardhur konfirmimi, njoftoi klubi i futbollit Al Nassr.
“Kjo është më shumë se histori. Kjo është një nënshkrim që jo vetëm do të frymëzojë klubin tonë për të arritur suksese edhe më të mëdha, por do të frymëzojë ligën tonë, kombin tonë dhe brezat e ardhshëm, djem dhe vajza, të jenë versioni më i mirë i tyre.
Mirë se vini Cristiano në shtëpinë tuaj të re”, njoftoi klubi i ri i Ronaldos.
Futbollisti portugez 37-vjeçar ka qenë lojtar i lirë që nga ndërprerja e kontratës së tij me Manchester United muajin e kaluar dhe tani ai ka nënshkruar kontratë me Al Nassr për një periudhë dyvjeçare.
Në fillim të këtij muaji, u shfaqën raporte për një marrëveshje 200 milionë në vit që ofrohet nga klubi saudit. Prej tyre 70 milionë euro do të ishin paga, ndërsa pjesën tjetër portugezi do ta fitonte nga sponsorët dhe aktivitetet e tjera të marketingut.
Kështu, Cristiano do e mbushë dhe më shumë arkën e tij në perëndimin të karrireës, por publiku europian nuk do mund ta shohë më në fushat e veta, në përballje të nxehta të kompeticioneve të mëdha.
Në një farë mënyrë, për tifozerinë europiane, kjo është një lamtumirë e tij. /tesheshi.com/
