Një kompani ajrore izraelite ka nisur përpjekjen për të fituar të drejtën e fluturimit të rregullt në hapësirën ajrore saudite. Kjo, pas fluturimit që Air India bëri nga New Delhi në Tel Aviv, duke kaluar për herë të parë nga qielli saudit. Dhe kjo ndodhi pas një ndalimi 70-vjeçar saudit për përdorimin e hapësirës së saj ajrore ndaj mjeteve që shkonin në Izrael apo anasjelltas.
Arabia Saudite nuk e njeh Izraelin dhe kompania shtetërore, El Al përdor flamurin izraelit.
Kjo kompani përdor rrugë paralele për të shmangur Arabinë Saudite, gjë që shton orë fluturimi.
Avioni i Air India me fluturim në Tel Aviv u ul në Izrael për shtatë orë, pasi fluturoi mbi Arabinë Saudite. Kjo gjë ka entuziazmuar qeverinë izraelite e cila ka nisur miklimet ndaj Riadit.
“Fluturimi i parë i drejtpërdrejtë në Izrael përmes hapësirës ajrore saudite pasqyron ndryshimin pozitiv që po zhvillohet gradualisht në rajon”, tha ministri i Transportit të Izraelit, Yisrael Katz.
Ndërsa kryeministri Netanyahu ka pohuar se marrëdhëniet e Izraelit me botën arabe janë tani më të mira se kurrë.
Megjithatë, qeveria saudite nga ana e saj nuk e ka komentuar zyrtarisht zhvillimin.
Rruga e re ajrore midis Izraelit dhe Indisë u njoftua nga kryeministri indian, Narendra Modi gjatë një vizite në Izrael verën e kaluar.
Gjatë një vizite në Indi, Netanyahu pohoi se rruga e re ajrore mbi territorin saudite do të zvogëlonte në mënyrë drastike kohën e fluturimit. /tesheshi.com/
