Arabia Saudite do të vendosë një ndalim të plotë të lëvizjes gjatë festimit pesë-ditor të Fitër Bajramit, një festë që përfundon agjërimin e Ramazanit, në mënyrë që të parandalojë përhapjen e virusit koronar.
Ndalimi do të zbatohet nga 23 deri në 27 maj, sipas një deklarate të lëshuar nga agjensia zyrtare saudite e lajmeve SPA.
Shteti i Lindjes së Mesme vendosi një shtetrrethimi në fillimin e epidemisë, për të liruar ndalimet muajin e kaluar në mënyrë që njerëzit të mund të dilnin gjatë ditës.
Mediat raportojnë se në Arabinë Saudite, deri në fund të Ramazanit, të gjitha aktivitetet ekonomike do të mbesin në veprim dhe se njerëzit mund të lëvizin lirshëm nga 9:00 – 17:00.
Meka, ende e bllokuar
Por autoritetet shtuan se nuk kanë lehtësuar kufizimet në zonat ku numri i popullsisë është i madh.
Kështu, Meka, për shembull, është ende nën bllokim të plotë dhe lëvizja nga dhe në pjesë të qytetit që janë në karantinë është akoma e ndaluar.
Ministria përkatëse thekson nevojën për të respektuar procedurat për ruajtjen e distancës sociale, si dhe mosformimin e grupeve prej pesë ose më shumë personave.
Të martën, Ministria e Shëndetit njoftoi se ishin konfirmuar 42.925 raste infeksioni me 264 jetëhumbje.
Për tre ditë me radhë, Mbretëria raportoi më shumë se 1.900 të reja. /tesheshi.com/
