Haxhi i këtij viti, në të cilin, sipas vendimit të autoriteteve saudite, për shkak të pandemisë së virusit koronar, vetëm rreth 1.000 besimtarë do të jenë në gjendje të marrin pjesë, do të fillojë në 29 korrik, njoftoi Riadi.
Haxhi, një ritual fetar i muslimanëve që zgjat disa ditë, tërheq në dhe rreth Mekës rreth 2.5 milion besimtarë çdo vit.
“Ngjarja qendrore, shtegtimi në malin Arafat, bie të enjten,” njoftoi Agjencia Saudite e Lajmeve (SPA), duke cituar vendimin e Gjykatës Supreme e shtuar se e mërkura është dita e parë e ceremonisë vjetore.
Data e kryerjes së Haxhit përcaktohet sipas pozitës së Hënës, në përputhje me kalendarin islami hënor, shpjegon AFP.
Muajin e kaluar, Arabia Saudite njoftoi se hyrja në Haxh do të ishte “shumë e kufizuar”, për shkak të pandemisë, e cila deri tani ka infektuar më shumë se 250,000 njerëz në vend.
Kërkohet testimi dhe karantina
Haxhi dhe haxhi më i vogël musliman i Umra-s, tërheqin miliona muslimanë nga e gjithë bota, duke sjellë rreth 12 miliardë dollarë në vit në ekonominë saudite.
Edhe pse zyrtarët pretendojnë se pelegrinazhi do të jetë i kufizuar në 1.000 njerëz, të cilët tashmë janë në Arabinë Saudite, të huaj dhe qytetarë të këtij vendi, disa raporte të gazetave deklarojnë se deri në 10,000 besimtarë do të jenë në gjendje të marrin pjesë.
Haxhi nuk do të jetë në dispozicion për pelegrinët që vijnë nga jashtë, për herë të parë në historinë moderne të Arabisë Saudite.
Ata që duan të vijnë në Mekë së pari do të duhet të testohen, dhe pas ritualit ata do të duhet të jenë në karantinë shtëpiake, kanë përcaktuar zyrtarët shëndetësorë. /tesheshi.com/
