Shoqëria saudite u trondit këto ditë nga një aksident fatal në përmasat e një tragjedie të pazakontë. Një nënë me 6 fëmijë humbi jetën pasi automjeti me të cilin udhëtonin hasi në kantier gërmimesh në rrugë. Gjallë mbeti kryefamiljari, Sami bin Mohammed Ali al-Naami.
Ai ndodhet ende nën shok, ndërkohë që një prej fëmijëve të tij, prej disa sosh që kishte e ka, i biri i tij Mohammed, tha se ai u transferua në spital për të trajtuar klavikulën e tij të thyer.
Të 7 viktimat u varrosën të mërkurën në fshatin Abu al-Salaah dhe në funeralin morën pjesë banorët e qytetit dhe zyrtarët e policisë dhe komunës.
Ngushëllimi ka qenë tejet i vështirë për burrin që ka humbur 6 fëmijë dhe gruan, por mbreti Selman ka vendosur gjithsesi që të bëjë diçka. Ai ka urdhëruar dhënien e një shtëpie e të një makine për të, ndonëse kjo e fundit ngjan si litar në shtëpinë e të varurit. /tesheshi.com/
