Sateliti i ri i Turqisë, i quajtur Turksat 5A, u lëshua me sukses herët në mëngjes të premten nga baza e SHBA Cape Canaveral në Florida.
Zv.ministri turk i Transportit dhe Infrastrukturës, Omer Fatih Sayan, Drejtori i Përgjithshëm i Turksat Cenk Sen dhe zyrtarë të tjerë morën pjesë në ceremoninë e nisjes.
Nisja e gjeneratës së pestë të satelitit turk Turskat 5A u krye duke përdorur raketën Falcon 9 të SpaceX.
Eshtë një satelit komunikimi dhe nisja u krye me një orë vonesë, e cila u shkaktua nga kushtet e pafavorshme të motit.
Katër satelitë në hapësirë
Sateliti turk 5A do të sigurojë shërbime televizive me bandën Ku në Turqi, Lindjen e Mesme, Evropë dhe Afrikë.
Autoritetet turke nënshkruan një marrëveshje me Airbus për të prodhuar satelitët e Turksat 5A dhe 5B tre vjet më parë.
Nisja e satelitit 5B u njoftua në mes të vitit.
Turqia po punon gjithashtu për prodhimin e satelitit Turksat 6A, i cili do të jetë një produkt i industrisë së brendshme dhe është një nga 30 vendet që kanë satelitë në hapësirë (aktualisht janë katër). /tesheshi.com/
