Konferenca vjetore SatanCon që këtë vit “feston” 10-vjetorin e saj ka shkaktuar reagime në Boston.
Qindra protestues u mblodhën të shtunën për të shprehur zemërimin e tyre në konferencën e Tempullit Satanik, i cili ndodhet në Salem.
Duke mbajtur pankarta ku shkruhej “Satani nuk ka të drejta” dhe “Ferri ju pret”, protestuesit reaguan kundër ngjarjes “blasfemuese”, e cila u shfaq premierë të premten me një ceremoni të çuditshme hapjeje. Kjo, sipas Daily Mail, përfshinte, ndër të tjera, grisjen e Biblës nga një predikues dhe ceremonitë e “mospagëzimit”.
https://twitter.com/i/status/1652443782145794048
Organizata që organizon konferencën në fjalë pretendon se nuk e adhuron Satanin si hyjni, por përdor figurën letrare të Satanait dhe simbolet satanike si një mjet për të “refuzuar pushtetin tiran”.
https://twitter.com/i/status/1652004907032129536
Sipas faqes së internetit të Tempullit Satanik, qëllimet e organizatës përfshijnë promovimin e ndjeshmërisë, njohurive shkencore dhe ndarjen e kishës nga shteti.
Aktivizmi dhe ngjarjet provokuese të grupit kanë zemëruar grupet fetare dhe patriotike në rajon, të cilat kanë organizuar “lutje në grup” dhe ngjarje të tjera për t’iu përgjigjur “satanistëve modernë” të vetë-përshkruar. /tesheshi.com/
