Ish-presidenti francez, Nicolas Sarkozy duket se nuk qëndron dot pa patur një post drejtues. Pas mbarimit të mandatit si kreu i shtetit të Francës, tanimë po pretendon për një tjtër status “shefi”, por jo më në fushën e politikës, por në atë të futbollit.
Sipas revistës “GQ Magazine”, Sarkozy kryeson listën e kandidatëve për të marrë drejtimin e kampionëve të Francës, klubin e futbollit Paris Saint Germain.
Kreu i Padroni i klubit parizien, Al Thani ka deklaruar se Sarkozy është personi ideal për ta drejtuar ekipin, pasi kërkon t’a spostojë nga ky pozicion Al Khelaifin, i cili e drejton klubin aktualisht.
Mësohet se javën e kaluar në Katar u zhvilluan bisedimet e para në lidhje me këtë çështje që përkuan edhe me disfatën e Paris Saint Germain ndaj Montpellier. Vendimi përfundimtar pritet të merret gjatë pushimeve dimërore, ndërkohë që zëvendësimi i Al Khelaifit me Sarkozy pritet të zyrtarizohet vetëm në fillim të sezonit 2017-2018. /tesheshi.com/
