Ministri i Jashtëm serb, Ivica Daçiç, tha se nga Amerika nuk ka ardhur asnjë provë për pretendimet e tyre ndaj kreut të Agjencisë së Informacionit të Sigurisë (SIA) Aleksandar Vulin, i cili u sanksionua, duke thënë se “nuk pret” diçka të tillë, pasi “sanksionet e motivuara politikisht”.
“Ne nuk kemi marrë asnjë informacion nga Amerika, as edhe një indikacion se ka ndonjë akt kriminal. Sigurisht që do të kërkojmë shpjegim nga Shtetet e Bashkuara sepse kjo nuk është një çështje private, por një vendim i drejtuar kundër një zyrtar i lartë shtetëror, por le ta lëmë me kaq, nga ana tjetër motivi i këtij vendimi është politika”, ka thënë Daçiç për gazetën Politika.
Duke folur për arsyen pse u vendosën këto sanksione, Daçiç tha se ishin “qëndrimet e Vulin ndaj Rusisë”. “Nëse ne do të kishim vendosur sanksione ndaj Rusisë, nuk do të kishte sanksione kundër Vulin apo dikujt tjetër”, tha Daçiç.
Mbi marrëdhëniet serbo-amerikane, kryediplomati serb tha se Serbia “ka bashkëpunim të mirë me SHBA-në në luftën kundër të gjitha formave të krimit të organizuar”.
Ai ka vlerësuar se me këtë veprim “duan të krijojnë një ekuilibër artificial” mes Beogradit dhe Prishtinës. Ai është i mendimit se “pas vendimeve të ashpra të Perëndimit dhe Amerikës ndaj autoriteteve në Prishtinë, ishte vetëm çështje ditësh që të vinte një vendim kundër Beogradit”.
“Është një nga shtyllat më të rëndësishme të bashkëpunimit tonë të përgjithshëm dhe pikërisht për këtë është për t’u habitur që autoritetet shtetërore amerikane marrin vendime për sanksione ndaj një financuesi të lartë të Serbisë, me dyshime për gjoja lidhje me krimin e organizuar. Por këtu po flasim vetëm për politikën, e me atë shtetërore të Serbisë, të cilën e bëjnë të gjithë ata që janë në krye të institucioneve”, tha Daçiç. /tesheshi.com/
